曆法

 新年又年經講曆法, 我記得有一年我BARCAMP有講過.

其實風水最主要, 都係曆法.

簡單講, 農耕民族的曆法必定以太陽回歸年為主, 游牧民族曆法會以月回歸為主.

中國古代在先秦時代已是陰陽曆, 一早已知一年為365又4份之1日. 連一個圓都係分為365又4分之1度. 亦好早已知19年要有7閏. 問題在廿四氣節未發明前 (最早的氣節只有四個, 夏至冬至春分秋分), 不清楚怎樣去安閏月.

點解有時有年三十, 有時只有年廿九的問題, 是因為月球圍住地球轉的軌道係椭圓形, 地球同太陽的軌道亦係椭圓, 所以有時會一個月長D, 一個月短D, 唐以前以梅花間竹分大月小月, 唐後就用一連串小月之後就一連串大月去遷就月相. 因為係真回歸月，所以有時會長D，有時會短D，若十二月係短月，就只得年廿九； 或係長月，就會有年三十。

中國古代天文的問題, 在於只靠觀察去計算平均數同修正誤差, 但無數學理論去解釋同較準.

中國至今最準的曆法為元初的授時曆, 基本上所用的回歸年值同今日西曆一樣, 都係365.2425日. 以廿四氣節為主, 一年分廿四份, 無中氣之月為閏月. 簡單直接.

至於明末清初授時曆開始計算唔到日月蝕, 主因係因為整個明代, 都無做數據較正(閏秒閏日). 基本上, 明代自劉伯溫後, 整個明代都只係做觀察, 但無較正過日月蝕的數據, 因為歲差問題, 所以到明末授時曆已預測唔到日月蝕.

而歲差在中國天文紀錄係一直存在, 但古人一直以為只係古代測量不準確, 而不是因為行星運動而產生的一個值, 而無發現這些誤差其實係歲差造成.

至於傳教士來華, 所帶來的西洋技術, 仍係以天動說為基礎, 不過西洋當時用的托勒密模型已能準確計算出羅喉計都(計算日月蝕的虛星, 羅喉 計都 係印度占星的虛星, 所以應該係由佛教或回教傳入), 所以之後就以西洋技術計算, 是為時憲曆, 但不是用格里曆的計算方法.

中國主要係用冬至計算回歸年, 而西洋以春分計算回歸年. 所以先有做冬大過年.

而今日用的格里曆, 天主教教宗在1582年改用格里曆, 就係減10日, 但這個曆, 當時只係天主教國家才採用, 新教國同東正教國並未採用, 所以新教國同東正教國, 本身比天主教國多十日. 成個歐洲的日期, 在16世紀到19世紀末, 其實可以話係亂到七彩. 英國是在1752年才採用格里曆, 減11日. 直到20世紀初，全球採用公曆國家才統一使用格里曆。

另外, 歐洲西羅馬滅亡至文藝復興前係黑暗時代, 當時世界科技中心係阿拉伯, 當時最準的西洋曆法, 為回回曆. 到今日, 西洋天文學入面仍有大量阿拉伯文用語.

---

正確來講，農曆本身係天文曆來，裡面吉凶日個D，其實係五大行星資料來。

中國本身用個農曆，係痴線野來。

時憲曆都只係改修正授時曆定氣方法同用真太陽時去定回歸年。

由於本身係天文曆來，民國後就用現代方法去做。

講咁多都只係想講，中國古天文技術，當年係世界先進，在宋同元初係其頂峰，但之後就無以為繼。明的體制太專制阻礙科學發展，明末傳教士以顯示西洋計算之力，但仍爭論成10年才行時憲曆但未行已明亡。政治正確政治鬥爭，係絕對阻礙科學發展。

而西洋天文，曾有段時期係黑暗時代，要靠阿拉伯佬保護同研究，阿拉伯曾係世界科學研究中心。到今日，因宗教同政治問題，變成點樣，大家有眼睇。

西洋技術特飛猛進，係因文藝復興後，教庭權威沒落，開始有自然科學的發展，天文技術開始追上，最後領先世界。主要都係因為思想解放，同自由的出現。